जिल्ला स्वास्थ्य कार्यालय बझाङमा ब्लड बैंक स्थापना

२०७७ भाद्र ३ गते बुधबार

दोरेन्द्र खड्का, बझाङ
जिल्ला स्वास्थ्य कार्यालय बझाङमा रक्तसंञ्चार केन्द्रको(ब्लड बैंक) स्थापना भएको छ । बुधबार एक कार्यक्रका विच प्रतिनिधि सभा सदस्य भैरब बहादुर सिंहले ब्लड बैकको उद्घाटन गरेका हुन।
रक्तसंञ्चार केन्द्रको उद्घाटन समारोहमा बोल्दै सिंहले रगत अभावका कारण विरामीको ज्यान गएको स्मरण गर्दै अब रगत अभाव कारणले कसैले पनि अकालमै ज्यान गुमाउनु नपर्ने बताए । स्तरीय स्वास्थ्य सेवा र विरामीप्रतिको सेवामा अस्पताल सदैव समर्पित हुनु पर्ने भन्दै सिहले पछिल्लो समय नेपालमा स्तरीय स्वास्थ्य सेवा उपलब्ध भएको भए पनि सबै ठाँउमा सहज पहुँच नभएकोमा चिन्ता व्यक्त गरे ।

यस अघि अस्पतालमा ब्लड बैक नहुँदा जटिल प्रकारका शल्यक्रिया भएका र सुत्केरी महिलाले अकालमै ज्यान गुमाउनु परेको थियो ।