युनिसेफद्धारा संक्रमितलाई स्वास्थ्य सामाग्री सहयोग

जेठ २५, बाजुरा 
युनिसेफ बाजुराले जिल्ला अस्पतालमा रहेका संक्रमितलाई स्वास्थ्य सामाग्री सहयोग गरेको छ । विश्व कोरोना भाइरस महामारीका कारण आक्रान्त भैरहेका बेला जिल्ला अस्पताल बाजुरामा रहेका कोरोना संक्रमितका स्वास्थ्य तथा सुरक्षा अवस्थालाई मध्यनजर गर्दै युनिसेफ बाजुराले स्वास्थ्य सामाग्री सहयोग गरेको युनिसेफका बाजुरा संयोजक राजेन्द्र जोशीले बताए ।
संयोजक जोशीका अनुसार युनिसेफ बाजुराले जिल्ला अस्पताल बाजुरामा उपचाररत कोरोना संक्रमितलाई डिजीटल थर्मामिटर,मास्क, एन्टीडस्ट, सेनिटाइजर,साबुन, वासर, क्लोरिन, ट्यामप्रेचर सिट्स, हाइजनिक किट, साइन्थिक बलान्केट लगायतका सामाग्रीहरु सहयोग गरिएको हो ।
उक्त सामाग्री मंगलबार जिल्ला अस्पताल बाजुराका कोरोना संक्रमतिलाई वडिमालिका नगरपालिकाका नगरप्रमुख पदम बडुवालले हस्तान्तरण गरेका हुन् ।
अहिले गाउँघरमा कोरोना संक्रमण फैलिएको जानकारी पछि हरेक टोल टोलमा जिल्ला स्वास्थ्य कार्यालय बाजुराको समन्वयमा पालिकाका स्वास्थ्य शाखा मार्फत परिक्षण हुँदैछ । परिक्षण पश्चात् कोरोना पोजेटिभ देखिएका त्रिवेणी नगरपालिका र बुढीगंगा नगरपालिकाका संक्रमितलाई पनि युनिसेफका बाजुराले सोही मात्रामा स्वास्थ्य सामाग्री सहयोग गर्ने संयोजक जोशीले बताए ।