बुधबार सेतिमा गरिएको परिक्षणमा ७४ जनामा कोरोना संक्रमण पुष्टि, एकको मृत्यु

जेठ २६ कैलाली ।
    धनगढी स्थित सेती प्रादेशिक अस्पतालको प्रयोगशालामा गरिएको परीक्षणमा बुधबार ७४ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा सेती प्रादेशिक अस्पतालको प्रयोगशालामा १७९ नमूना परीक्षण गर्दा ७४ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए ।
    उनका अनुसार कैलालीका ५७ जना र अन्य जिल्लाका १७ जना गरि ७४ जनामा संक्रमण पुष्टि भएको जनाएको छ । हाल अस्पतालमा २४जना कोरोना संक्रमितको उपचार भइरहेको सूचना अधिकारी श्रेष्ठले बताए । जसमध्ये ३ जना भेन्टिलेटरमा, ९ जना आइसियूमा, १४ जना अक्सिजन सपोर्टमा उपचाररत छन् भने १ जनाको अवस्था सामान्य रहेको जनाएको छ ।
    पछिल्लो २४ घण्टामा सेती अस्पतालमा १७ जना कोरोनामुक्त भएर घर फर्किएका छन् भने ८ जना अस्पताल भर्ना भएको सूचना अधिकारी दिलिपकुमार श्रेष्ठले जानकारी दिए । त्यस्तै पछिल्लो २४ घण्टामा अस्पतामा उपचाररत १ जना कोरोना संक्रमितको मृत्यु भएको अस्पतालले जनाएको छ ।