कांग्रेसको वडा अधिवेशनमा एकै घरका ६ जना निर्वाचित

नेपाली कांग्रेसको आसन्न १४ औँ महाधिवेशनअन्तर्गत शुक्रवार भएको वडा अधिवेशनबाट स्याङजामा एकै घरका ६ जना निर्वाचित भएका छन् । सहमतीका आधारमा पुतलीबजार नगरपालिका–२, बाट क्षेत्रीय प्रतिनिधिमा एकै घरका ६ जना निर्वाचित भएका हुन् ।

एकै घरबाट क्षेत्रीय प्रतिनिधिमा निर्वाचित हुनेहरुमा ख्यामनारायण पराजुली, सुगम पराजुली, कमल पराजुली, युवराज पराजुली, कृष्ण पराजुली र रमा पराजुली रहेको वडा मतदान अधिकृत कृष्ण पराजुलीले जानकारी दिए । वडामा १ सय ११ जना मतदाता रहेको मतदान अधिकृत पराजुलीले बताए । निर्वाचित मध्ये पराजुली थरका ७ जना रहेका छन् ।