Aagan-cakes-web-banner-2
news

कविता : दशैँ

news
October 07, 12:59

हरेक वर्ष आउँछ दशैँ

उहि मिती, उहि तिथीमा

उस्तै महिना, उस्तै महिमा बोकेर

आउन त आउँछ

हरेक वर्ष दशैँ,

आउँदा मात्रै फरक-फरक कथा,व्यथा बोकेर आउँछ।

धनिहरूका लागी हर्ष बोकेर आउँछ,

उमंगका लहर बनेर आउँछ,

खुसीहरूका तरंग बोकेर आउँछ।

आउन त आउँछ

हरेक वर्ष दशैँ

उहि मिती, उहि तिथीमा

आउँदा मात्रै फरक-फरक कथा,व्यथा बोकेर आउँछ।

गरीबहरूका लागी,

पिडा बल्झाउने घाउ बनेर आउँछ

दु:ख,दर्दको खत बोकेर आउँछ,

निराशाहरूको निशानी बोकेर आउँछ,

हुने खानेको लागी दशैँ बनेर आउँछ

हुँदा खानेको लागी दशा बनेर आउँछ।

वर्षौ देखी लाहुरमा

वेपत्ता भएको छोराको सम्झनामा

आँशु धारा बनेर आउँछ

आमाको लागी दशैँ।

रणभूमिमा युद्ध लड्दा लड्दै,

विरगती पाएको

श्रीमानको विरताले,

दशैँमा खान पुग्दैन श्रीमतीलाई

पिडामा लगाउने मलमको काम गर्दैन बा आमालाई,

बुवाको आभाष दिन सक्दैन छोरा-छोरी लाई,

मिठो मसिनो खान पुग्दैन घरपरीवारलाई,

यादहरुलाई रोक्ने बार हुदैन आफन्तलाई।

आउन आउँछ

हरेक वर्ष दशैँ,

उहि,मिती, उहि तिथीमा,

आउँदा मात्रै फरक-फरक कथा,व्यथा बोकेर आउँछ

आउन आउँछ

हरेक वर्ष दशैँ।

✍️Kushma QV Bhatta

news
news
news
news

सम्बन्धित वर्गका समाचारहरू

शरदको बिहे प्रस्ताव स्विकारिन् गायिका इन्दिरा जोशीले,…
गएको वर्षको फागुन महिनाको पहिलो हप्ता गायिका इन्दिरा जोशीले आफ्नो हातमा लगाएको औँठीको फोटो सेयर… विस्तृतमा
""स्वाभिमान बनौँ""
हिमाल हाँस्दै नव कान्ति छाओस् । कैलाश बाट अब शान्ति आओस् ।। सद्भावको आँगन भित्र हाँस्ने । इच्छा… विस्तृतमा
को बन्ला च्याम्पियन ?
काठमाडौं, २ असोज । कमेडी च्याम्पियन सिजन–२ को ग्रान्ड फिनाले आज हुँदै छ । आज साँझ नियमित सेटमै… विस्तृतमा
डेउडा प्रतिष्ठानको प्रथम साधारण सभा सम्पन्न 
धनगढी –  कैलालीको धनगढीमा डेउडा प्रतिष्ठान केन्द्रीय समितिको प्रथम साधारण सभा सम्पन्न भएको छ ।… विस्तृतमा