सुदूर पहाडमा दुई दिनदेखि विद्युत सेवा अवरुद्ध

प्रादेशिक विद्युत प्राधिकरण अत्तरियाका प्रमुख जंगबहादुर चन्दका अनुसार पहाडी ७ जिल्लाकै विद्युत अवरुद्ध भएको हो। अत्तरिया-बलाज ३३ केभी प्रसारण लाइनमा हावाहुरी तथा अविरल वर्षाका कारण क्षति हुँदा बिद्धुत सेवा अवरुद्ध भएको चन्दले बताए। उनका अनुसार कैलालीको खानीडाडामा प्रशारण लाइनमा क्षति पुगेको मर्मत कार्य भइरहेको छ।

विद्युत सेवा अवरुद्ध भएपछि पहाडी जिल्लाका बासिन्दासंग सम्पर्क हुन सकेको छैन। बाढीले पुगाएको क्षतिबारे पनि जानकारी आएको छैन। अधिकाशको फोन अफ छ। सुदूर पहाडमा आइतबार रातिदेखि भारी वर्षा भइरहेको छ।