कैलालीको गेटामा मोटरसाइकल र स्कुटर दुर्घटना हुँदा २ जना घाइते

अत्तरिया – मोहना अत्तरिया ६ लेन सडक खण्डको गेटा क्षेत्रमा मोटरसाइकललाई स्कुटरले ठक्कर दिदाँ २ जना घाईते भएका छन ।
६ लेन सडकमा से ७ प ४५४ नम्बरको मोटरसाइकललाई पछाडीबाट आउँदै गरेको सुदूरपश्चिम प्रदेश ०१००१० प २९११ नम्बरको स्कुटरले ठक्कर दिदाँ २ जना घाईते भएका हुन ।

उक्त दुर्घटनामा मोटरसाईकल चालक जोशिपुर गाउँपालिका – २ का ३३ बर्षीय सुरज कुर्मी र स्कुटरको पछाडी सवार गोदावरी नगरपालिका – ६ का १६ बर्षीय लोकेन्द्र खड्का सामान्य घाईते भएको सुदूरपश्चि प्रदेश ट्राफिक प्रहरी कार्यालय अत्तरियाले जनाएको छ ।

घाइते दुबै जनाको अत्तरिया स्थिति पदमा अस्पतालमा उपचार भइरहेको प्रहरीले जनाएको छ । स्कुटरको ठक्करबाट मोटरसाइकल ६ लेन सडक भन्दा तल छाडीमा खसेको स्थानिय प्रतक्षदर्शिले बताएका छन ।