प्रादेशिक छनोट क्रिकेट प्रतियोगितामा कैलालीको विजयी सुरुवात 

धनगढी – वाई वाई यु–१९ अन्तर्गतको सुदूरपश्चिम प्रादेशिक छनोट क्रिकेट प्रतियोगितामा कैलालीले विजयी सुरुवात गरेको छ। आफ्नो पहिलो खेलमा बझाङ विरुद्ध टस जित्दै ब्याटिङ रोजेको कैलालीले ५० ओभर ब्याटिङ गर्दै ९ विकेट गुमाएर २ सय ९३ रन जोड्न सफल भएको थियो । कैलालीका लागी सङीत बुढाथोकीले सर्वाधिक ७४ रन प्रहार गरेका थिए । त्यस्तै टेक रावतले ३५ , आयुब चन्द र वसन्त कार्कीले समान ३३/३३ रनको योगदान दिएका थिए । जवाफी ब्याटिङ गर्दै बझाङले २२.५ ओभरमा सबै विकेट गुमाउँदै ९७ रन मात्रै बनाउन सक्यो । बलिङ तर्फ कैलालीका नारायण जोशीले ५, नरेन साउदले ४ र शेर मल्लले १ विकेट लिए । खेलको खेलको प्लेयर अफ दि म्याच   कैलालीका सङीत बुढाथोकी भए ।