Aagan-cakes-web-banner-2

‘पालिकामा सोचेजस्तो गर्न सकिएन’

news
November 21, 2:21

अछाम — अछामको चौरपाटी गाउँपालिका–४ की माया कुँवर ५ वर्षअघि महिलाका क्षेत्रमा काम गर्ने विभिन्न सामाजिक संस्थामा आबद्ध थिइन् । ग्रामीण सहजकर्तादेखि गाउँका महिलाको आवाज बुलन्द गर्न उनी जहिल्यै अग्रपंक्तिमा खटिएर काम गर्थिन् । गाउँमा उनको सक्रियता देखेर स्थानीय तहको निर्वाचन २०७४ मा कांग्रेसले चौरपाटी गाउँपालिकामा उपाध्यक्षको उम्मेदवार बनायो । कांग्रेसका अध्यक्ष पदका उम्मेदवारले हारे भने उपाध्यक्षमा कुँवरले जितिन् ।

चौरपाटीमा एमालेका हर्क साउँद अध्यक्ष भए । उनीसंगै उपाध्यक्ष कुवरले पाच वर्षको कार्यकाल सुरु गरिन् । कार्यकाल सकिने लाग्दा उनी आफ्नो काम प्रति सन्तुष्ट छैनन् । पहिले पार्टी भन्दा धेरै गाउँका सामाजिक अभियानका सक्रिय भएकी मायाका लागि राजनीति पनि नयाँ थियो भने जनप्रतिनिधिको भूमिका पनि नयाँ थियो । ‘मैले धेरै ठूला योजना र केही गर्न सक्छु भन्ने आश बोकेर राजनैतिक मैदानमा आएकी थिए, गाउँपालिका उपाध्यक्ष जित्दासम्म पनि ममा काम गर्ने उत्साह थियो‘ उनले आफ्नो अनुभव सुनाउँदै भनिन्, ‘गाउँपालिका उपाध्यक्ष पद मात्रै पाएँ । काम गर्न सकिएन । योभन्दा धेरै काम जनप्रतिनिधि हुनुभन्दा अगाडि सामाजिक संस्थामा गरेकी थिएँ । गाउँका दिदीबहिनीका आवाजलाई बाहिर ल्याउन सकेकी थिएँ ।‘

महिला उपाध्यक्ष भएकै कारण पुरुष जनप्रतिनिधि मात्रै नभएर कर्मचारीले समेत नर्टेर्ने गरेको उनको अनुभव छ । ‘कुनै पनि काम गर्ने योजना बनाउँदा कर्मचारीले नै अविश्वास गर्छन् । हरेक समयमा म काम गर्न सक्छु भनेर प्रमाणीत गर्नु पर्ने हुन्छ,’ उनले भनिन्, ‘गाउँमा महिलाका कति समस्या छन् । महिला उपाध्यक्ष छ भनेर कति महिलाले आशा बोकेका छन् । तर, कार्यपालिकामा महिलाका कुनै कार्यक्रम गरौं भनेर प्रस्ताव गर्दा तपाई महिलाको मात्रै उपाध्यक्ष हो र भन्दै कर्मचारी र जनप्रतिनिधि ए आवाज उठाउँछन् ।’

स्थानीय तहमा योजना अनुगमनको जिम्मा उपाध्यक्षलाई छ । गाउँपालिकाका योजना अनुगमन गर्न जाँदा सवारी साधनको समेत समस्या हुने गरेको उनको गुनासो छ । आफूले अनुगमन गरेका योजनामा समेत कर्मचारी र अन्य जनप्रतिनिधिले अविश्वास गर्ने गरेको उनले सुनाइन् ।

फरक फरक पार्टीका अध्यक्ष र उपाध्यक्ष भएकाले उनलाई पार्टीले घोषणा पत्र बनाउँदाका चुनावी एजेन्डालाई पनि कार्यान्वयन गर्नु पर्ने दबाब र चुनौती दुवै छन् । ‘पार्टीले घोषणा पत्र बनाउँदा पाँच वर्षमा गर्ने कामको खाका तयार पारेको छ । ती कुनै पनि विषयमा प्रवेश गर्न सकिएन । पार्टीबाट उम्मेदवार भएर जित्ने भने जस्तो काम केही नगर्ने भनेर पार्टी नेतृत्वलेसमेत थर्काउँछन्,’ उनले भनिन्, ‘न गाउँका महिला दिदीबहिनीले सोचे जस्तो गर्न सकियो । न त पार्टीको घोषणा पत्र बमोजिम काम गर्न सकियो । अब कार्यकाल सकिन लाग्यो । केही काम गर्न नसकेकोमा छट्पटी हुन्छ । कति रात निदाउनसमेत सकेकी छैन् ।’

अछामको विकट ढकारी गाउँपालिका–२ हिच्माकी लक्ष्मी साउँद अलिअलि सामाजिक काममा सक्रिय भएकी महिला हुन । सामान्य परिवारमा हुर्केकी लक्ष्मीको पढाइलेखाइ खासै छैन । तर उनलाई स्थानीय तह २०७४ को चुनावमा कांगेस्रले उपाध्यक्षको उम्मेदवार बनायो । उक्त पालिकामा कांग्रेसले जित्यो । आफ्नै पार्टीका अध्यक्षसहितको टिम गाउँपालिकामा भएकाले सिक्दै काम गर्न सक्ने उनमा विश्वास थियो । तर पाँच वर्षे कार्यकाल सकिनै लाग्दा उनले सोचे जस्तो केही गर्न सकिनन् ।

सम्बन्धित वर्गका समाचारहरू

बिदेशमा रहेका मल्लद्धारा क्यान्सर पिडित भट्टलाई आर्थिक सहयोग…
डडेल्धुरा, मसिँर २२ । हाल बिदेशमा रहेका समाजसेबि बिनय प्रकाश मल्लले क्यान्सर पिडित रमा भट्टलाई… विस्तृतमा
देशको शिर निहुरिने काम गर्दिनँ र गर्न दिन्नँ : मन्त्री आले
काठमाण्डौ – संस्कृति, पर्यटन तथा नागरिक उड्डयनमन्त्री प्रेमबहादुर आलेले देशको शिर निहुरिने खालका… विस्तृतमा
सुदूरपश्चिमका २० स्थानीय तह सङ्कटग्रस्त क्षेत्र
बैतडी,२२ मंसिर । बैतडीसहित सुदूरपश्चिम प्रदेशका २० पालिकालाई सङ्कटग्रस्त क्षेत्र घोषणा गरिएको छ ।… विस्तृतमा
अछामको गैटाँडमा १ जना मृत अवस्थामा फेला
अछाम/अछामको गैटाँडमा मोटरसाइकल सहित १ जना मृत अवस्थामा भेटिएका छन् । जिल्लाको मध्यपहाडि लोक मार्ग… विस्तृतमा