प्रधानमन्त्री कप महिला क्रिकेटः प्रदेश नम्बर १ ले बागमतिलाई दियो ११५ रनको लक्ष्य

धनगढी, ४ पुष / प्रधानमन्त्री कप महिला राष्ट्रिय क्रिकेट प्रतियोगिताको दोस्रो दिनको दोस्रो खेलमा प्रदेश नम्बर १ र बागमति प्रदेश प्रतिस्पर्धा गरिरहेका छन् । प्रदेश नम्बर १ ले टस जितेर पहिले ब्याटिङ गर्दै वागमति प्रदेशलाई जितका लागि ११५ रनको लक्ष्य दिएको छ । 

 प्रदेश नम्बर १ ले निर्धारित २० ओभरमा ४ विकेट गुमाउँदै ११४ रन बनाएको छ । प्रदेश नम्बर १ का लागि अप्सरी वेगमले अविजित अर्धशतकीय पारी खेलिन् । ६२ वलको सामना गरेकी उनले ५१ रन बनाईन् ।

त्यस्तै स्मृति कटुवालले २० र सबनभ राईले १५ रन बनाईन् । वागमति प्रदेशका लागि अस्मिना कर्माचार्य र खुशी डंगोलले दुई दुई विकेट लिईन् । पहिलो खेलमा प्रदेश नम्बर १ ले जित हात पारेको थियो भने बागमति प्रदेश लुम्बिनी प्रदेशसँग पराजित भएको थियो ।