प्रधानमन्त्री कप महिला क्रिकेट प्रतियोगिताः घरेलु टोली सुदुरपश्चिम विजयी

धनगढी,५ पुष / धनगढीमा जारी प्रधानमन्त्री कप महिला राष्ट्रिय क्रिकेट प्रतियोगितामा घरेलु टोली सुदुरपश्चिम प्रदेश विजयी भएको छ । फाप्ला मैदानमा सोमबार भएको दोस्रो खेलमा सुदुरपश्चिम प्रदेशले गण्डकी प्रदेशलाई ९ विकेटले हराएको हो ।
पहिलो ब्याटिङ गरेको गण्डकी प्रदेशले सबै विकेट ३१ रनमा गुमायो । १८ ओभरमा गण्डकीले सबै विकेट गुमाउँदा कुनै पनि खेलाडीले दोहोरो रन अंक जोड्न सकेन् । 

सुदुरपश्चिमका लागि कविता जोशी र दीपा जोराले दुई दुई विकेट लिईन् । कविता कुँवर र ईश्वरी विष्टले एक एक विकेट लिईन् । गण्डकीका चार जना खेलाडी रनआउट भए ।
प्रतिउत्तरमा सुदुरपश्चिम प्रदेशले एक विकेट क्षतिमा लक्ष्य भेट्टायो । ३२ रनको लक्ष्य सुदुरपश्चिमले दुई दशमलब १ ओभरमा लक्ष्य पुरा गरेको हो । सुदुरपश्चिमका लागि कविता जोशीले ८ रन र शोभा रोकायाले ५ रन बनाईन । सुदुरपश्चिमले १९ रन अतिरिक्त पायो ।