कोरोना अपडेट : २४ घण्टाको संक्रमणदर ६३ प्रतिशत बढी

धनगढी,५ माघ / कैलालीको सेती प्रादेशिक अस्पतालमा गरिएको कोरोना परिक्षणमा थप १ सय ६३ जनामा कोरोना संक्रमण पुष्टि भएको छ । पछिल्लो २४ घण्टामा २ सय ६३ नमूनाको पीसीआर बिधिबाट कोरोना परिक्षण गरिएकोमा १ सय ६६ संक्रमित थपिएका हुन ।

जुन संक्रमण दर ६३ प्रतिशत हो । पछिल्लो केही दिन यता सेतीमा कोरोनाको संक्रमण दर पनि बढ्दै जान थालिएको छ । मंगलबार आज भन्दा बढी  १ सय ९९ जनामा कोरोना संक्रमण पुष्टि भएपनि संक्रमण दर भने आजभन्दा कम ६० प्रतिशत मात्रै रहेको थियो ।

अस्पतालका सूचना अधिकारी दिलिप कुमार श्रेष्ठका अनुसार पछिल्लो २४ घण्टामा ४ कोरोना संक्रमित उपचारका लागि अस्पताल भर्ना भएका छन भने ४ संक्रमित नै डिस्चार्ज भएका छन । यो संगै हाल अस्पतालमा कोरोना उपचाररत बिरामीको संख्या १८ रहेको छ । जसमध्ये २ जनाको आईसियुमा उपचार भइरहेको छ ।