मनिराव वाङमय पुरस्कार वरिष्ठ समालोचक दधिराज सुवेदीलाई प्रदान

धनगढी,  असार १४ - यस वर्षको मनीराज वाङ्मय पुरस्कार वरिष्ठ समालोचक दधिराज सुवेदीलाई प्रदान गरिएको छ । आज धनगढी स्थित कैलाली जनपुस्तकालयमा एक कार्यक्रममा आयोजना गरी सुवेदीलाई १ लाख धनराशिको उक्त पुरस्कार हस्तानन्तरण गरिएको हो । 

सुदूरपश्चिमका प्रदेश प्रमुख मोहनराज मल्ले उनलाई दोसल्ला ओढाएर सम्मानपत्र प्रदान गरे । २००४ सालमा विराटनगरमा जन्मेका सुवेदी विगत ४ दशक देखि नेपाली साहित्यमा सक्रिय स्रष्टाका रूपमा स्थापित छन् । 
उनका तीन दर्जन कृति प्रकाशन भइसकेका छन् भने देशभरका तीन सय बढी संस्थाले उनलाई नागरिक अभिनन्दन समेत प्रदान गरिसकेका छन् । महाकाव्यकार मनीराज जोशीका छोरा गोविन्दराजले स्थापना गरेको मनीराज वाङ्मय पुरस्कार सुवेदीलाई प्रदान गरिएको हो । 
भाषा विज्ञ एवं साहित्यकार डिल्लीराज फुलाराको संयोजकत्वमा गठन भएको तीन सदस्यीय समितिले गरेको सिफारिसानुसार यस वर्ष उक्त पुरस्कार सुवेदीलाई दिने निर्णय गरेर प्रदान गरिएको नेपाली साहित्य तथा संस्कृति प्रतिष्ठान गोदावरी ९कैलाली० का अध्यक्ष पदमराज जोशीले बताए । 
पुरस्कार ग्रहणपछि सुवेदीले पुरस्कारले एउटा स्रष्टालाई पुरस्कृत गर्ने भन्दा पनि समग्र मेची महाकालीलाइै जोड्ने अभियान प्रारम्भ गरेको प्रतिक्रिया दिए । 
गत वर्ष उक्त पुरस्कार राष्ट्रकवि माधव प्रसाद घिमिरेलाई प्रदान गरिएको थियो ।