vivo

निर्माला पन्त घटनामा आधारित ‘कोपिला’ फिल्मको ट्रेलर सार्वजनिक(भिडियोसहित)

Kopila
Kopila
December 21, 7:15

काठमाडौं, ५ पौष - कञ्चनपुरकी १३ वर्षीया बालिका निर्मला पन्तको बलात्कारपछि भएको हत्याको विषयलाई आधार बनाएर निर्माण गरिएको नेपाली चलचित्र ‘कोपिला’को ट्रेलर सार्वजनिक भएको छ। शुक्रबार ओएसआर डिजिटलले आफनो अफिसियल युटयुब च्यानल मार्फत चलचित्रको ट्रेलर सार्वजनिक गराएको हो।

सामाजिक कथा वस्तु बोकेको चलचित्रको ट्रेलरमा निर्मलालाई कापिला पात्र बनाइएको छ। कोपिलाको बलात्कारपछि भएको हत्यारालाई सरकारले लामो समयसम्म पनि पक्राउ गर्न नसकेको कारण उत्पन्न परिस्थिति ट्रेलरमा देखाइएको छ। ट्रेलरमा पत्रकार, मानव अधिकारकर्मी, राजनीतिक पार्टीले विभिन्न बहानामा कोपिलाको लासमाथि गरेको राजनीतिलाई देखाइएको छ।

शिवम् अधिकारीको लेखन तथा निर्देशनमा बनेको यो चलचित्रमा सरिता गिरी, गणेश गिरी र सन्जिवनी खरेलले मुख्य भूमिका निर्वाह गरेका छन्। गणेश गिरिको प्रस्तुति रहेको कोपिलालाई संचारकर्मी मणिराज गौतमले निर्माण गरेका हुन् भने चलचित्रको कार्यकारी निर्मातामा सुबास काफ्ले रहेका छन्।

चलचित्रमा समिर मिया, रामेश्वर कार्यकारी सहनिर्माताको रूपमा रहेका छन्। चलचित्रमा सरिता, गणेश, सन्जीवनीसंगै प्रकृती खरेल, ऋद्धिचरण श्रेष्ठ, विमल पौडेल, पुष्प आचार्य, सुशान्त श्रेष्ठ, अस्मिन घिमिरे, अस्मिता जुरेली, प्रतिक्षा खड्का, राखी क्षेत्रीलगायतको अभिनय रहेको निर्माण टिमले बताएको छ। चलचित्रमा रामेश्वर कार्कीको छांयाकन, समिर मियाको सम्पादन र दीपक शर्माको संगीत रहेको छ।

८० लाखको लगानीमा निर्माण भएको यो चलचित्रको सेन्सरसमेत पास भइसकेको निर्देशक अधिकारीले बताए। बलात्कारपछि हत्या भएकी कन्चलपुरकी १३ वर्षीया बालिका निर्मला पन्तको कथासँग चलचित्रको कथा रहेकाले निर्मलाको परिवारसंग लिखित अनुमति लिएर चलचित्र बनाइएको निर्देशक अधिकारीको भनाइ छ। चलचित्रले रिलिज डेट भने सार्वजनिक गरेको छैन। थाहा खबरवाट

सम्बन्धित वर्गका समाचारहरू

युवा लेखक जनक रसिकको उपन्यास ‘दोरी’ प्रकाशित 
धनगढी –  सुदूरपश्चिमका चर्चित युवा लेखक जनक रसिकको पहिलो उपन्यास ‘दोरी’ प्रकाशन भएको छ । विगत दुई… विस्तृतमा
गठबन्धनले कांग्रेसमा तरंग बिपिको सिद्धान्त बिर्षिएकै हो त !
नवराज जोशी नेपालको लोकतान्त्रिक आन्दोलनका अग्रज ब्यक्तीत्व प्रथम जन निर्बाचित प्रथम जननायक बिपि… विस्तृतमा
सांस्कृतिक सङ्घ चुरे समिति गठन 
धनगढी – नेपाल सांस्कृतिक सङ्घको स्थानीय पालिका गठन प्रक्रिया अन्तर्गत नेपाल सांस्कृतिक सङ्घ चुरे… विस्तृतमा
सुदूर चिनारी १२ औँ वर्षमा, पद्मराज जोशी ‘प्रभात’ विशेषाङ्क…
धनगढी –  डोटेली भाषाको पत्रिका सुदूर चिनारी १२ औँ वर्षमा प्रवेश गरेको छ । विगत ११ वर्ष देखि डोटेली… विस्तृतमा