कानुन निर्माणमा जोड दिन माग गर्दै शिखर नगरपालीका प्रमुखलाई ज्ञापन पत्र बुझाइयो

२०७७ भदौ१२ गते,शुक्रबार
चक्र बलायर,डोटी
महिलामैत्री कानुन निर्माणमा जोड दिन माग गर्दै डोटीको शिखर नगरपालीकाका मेयरलाई ज्ञापन पत्र बुझाइएको छ ।

नेपाल राष्ट्रिय दलित समाज कल्याण संघ र न्याय तथा अधिकार संस्था जुरी नेपालले संयुक्त रुपमा नगरपालीकालाई ज्ञापन पत्र बुझाइएको हो । यसअघि हिजो दिपायल सिलगढी नगरपालीकालाई पनि ज्ञापन पत्र बुझाइएको थियो ।

नेपाल राष्ट्रिय दलित समाज कल्याण संघ र न्याय तथा अधिकार संस्था जुरी नेपालको संयुक्त सयोजकत्वमा डोटीमा क्रियासिल रहेका बालबालिका तथा महिलाहरुका क्षेत्रमा काम गर्दै आएका संस्थाहरुको समन्वयमा शिखर नगरपालिकामा ज्ञापन पत्र बुझाइएको हो । लैंगिक समानता र सामाजिक समावेशीकरणको नीति तथा निमार्णको लागि नेपाल राष्ट्रिय दलित समाज कल्याण संघ डोटीका अध्यक्ष कुमार टेलरको नेतृत्वमा गएको टोलीले शिखर नगरपालिकाका नगरप्रमुख सिताराम जोशीलाई ज्ञापनपत्र बुझाएको हो ।

नगरपालिका संग सम्बन्धित नीति तथा कार्ययोजनाको तर्जुमा गर्दा मौलिक हकको कार्यान्वय संग सम्बन्धित कानुन बनाउन नगर प्रमुखलाई ज्ञापन पत्र बुझाइएको दलित समाज कल्याण संघ डोटीका अध्यक्ष कुमार टेलरले बताउनुभयो ।

ज्ञापन पत्र बुझ्दै नगर प्रमुख जोशिले उक्त ज्ञापन पत्रमा समेटिएका बिषयलाई सम्बोधन गरीने बताउनुभयो । निति निमार्ण प्रक्रियामा आफु सकारात्मक रहेको भन्दै उहाले आफ्नो नगरपालिकामा लैंगिक समानता कायम गर्दै सामाजिक समावेशीकरण को अबधारणा ल्याउन आफु प्रतिबद्व रहेको बताउनु भयो ।

नगरपालीकाले बनाउने निती तथा कार्यक्रममा निशुल्क तथा अनिबार्य शिक्षा, भुमि माथिको पहुच,खाद्य अधिकार,रोजगार सम्बन्धि हक, सामाजिक सुरक्षा , लैगिक समानता, बालबालिकाका हक, अंपागता भएका व्यक्तिहरुको अधिकार सङ्ग सम्बन्धित कानुन तथा नितिनिर्माण गर्दा नागरिक संस्थाको सहभागिता गरिनुपर्ने नागरिक संस्थाहरुले माग गर्दै आएका छन।

संबिधानको परिकल्पना गरेबमोजिम लैङ्गिक समानता र सामाजिक समावेशीकरणको प्रबर्द्धनका लागि स्थानिय तहहरुले निति तथा कानुन तर्जुमा गर्न ध्यानाकर्षण गराउदै ज्ञापन पत्र बुझाइएको जुरी संस्थाका सामुदायीक बिकास अधिकृत शंकर बिश्वकर्माले बताउनु भयो ।