कोरोना भाइरस विरुद्ध १० दिने सचेतना अभियान सुरु

डोटी
कोरोना भाइरस विरुद्धको दोस्रो लहरले महामारीको रुप लिइरहेको समयमा सम विकास केन्द्र नेपाले कोरोना भाइरस विरुद्धको १० दिने सचेतना अभियान सञ्चालन गरेको छ । एचबिसिसि, युनिलिभर र एक्सनएड नेपालसंगको सहकार्यमा स्थानीय समुदायमा कोरोना सम्बन्धी सचेतना फैलाउने उद्देश्यले युवा स्वयंसेवकहरुको अगुवाईमा उक्त अभियान सञ्चालन गरिएको हो ।
स्थानीय बासीहरुलाई कोरोना भाईरसबाट जोगिने उपाय र सर्तकताबारे सचेतना गर्न सन्देश सहित माईकिङ मार्फत प्रचार प्रसारका गर्न सुरु गरिएको सम विकास केन्द्र नेपालका कार्यक्रम संयोजक केशव परीयारले जानकारी दिनुभएको छ । स्थानिय समुदायहरुलाई कोरोना भाइरसको बारेमा जानकारी, यसको लक्षण, भाइरस सर्ने कारण भाईरसबाट बच्ने उपाय सम्बन्धी जानकारी समेत गराईएको छ ।
पहिलो दिनको अभियान दिपायल सिलगढी नगरपालिका वडा नम्बर २, ४, ५, ६ र ७ का विभिन्न ठाउँमा सचेतना मुलुक सन्देश सहित माईकिङ गरिएको उहाँले बताउनुभयो । साथै अभियान दिपायल सिलगढी नगरपालिका, शिखर नगरपालिका र के आई सिंह गाउपालिकाका विभिन्न ठाउँ तथा वस्तिमा १० दिन सम्म संचालन गरिने बताईएको छ ।