पूर्वीचौकी गाउँपालिकाका प्रमुख प्रशासकीय अधिकृतमाथि हातपात

डोटी १ चैत्र /  डोटीको पूर्वीर्चाकी गाउँपालिकाका प्रमुख प्रशासकीय अधिकृत टेकबहादुर खड्कामाथि हातपात भएको छ । मंगलबार  खड्काको कार्यकक्षमै गएर हातपात गरेको बताइएको छ ।

पूर्वीचौकी गाउँपालिका वडा नम्बर ५ निवासी भुवन कठायतले कार्यकक्षमै गालीगलौच गर्दै हातपात गरेको जनाइएको छ।  उनले प्रशासकीय अधिकृतको कार्यालयको ल्यापटप समेत तोडफोड गरेको पूर्वीचौकी गाउँपालिकाले जनाएको छ।

हातपातबाट अधिकृत खड्काको शरीरमा चोटपटक समेत लागेको जनाइएको छ । हातपातपछि कठायत फरार रहेको बताइएको छ । दोषिमाथि कडा कारवाही नभएसम्म कार्यालयबाट प्रवाह हुने सम्पूर्ण कामकाज बन्द गरिने गाउँपालिकाले जनाएको छ।