कञ्चनपुरमा मोटरसाइकल दुर्घटनामा एकको मृत्यु, हुलाकी सडक अवरुद्ध

धनगढी,१३ भदौ । कञ्चनपुरमा मोटर साइकल दुर्घटना हुँदा एक युवकको ज्यान गएपछि स्थानीय युवाले सडक अवरुद्ध पारेका छन् । 

सोही ठाउँका २२ का सुनिल सार्कीको मृत्यु भएपछि उनीहरूले बेलडाँडी(दैजी मुख्य सडक अवरुद्ध गरेका हुन् ।

मंगलबार दिउँसो बेलडाँडी गाउँपालिका वडा नं। १ अवस्थित भण्डारी टोल नजिक सुपप्र ००३प ७२११ नं।को मोटरसाइकल अनियन्त्रित भई दुर्घटना सार्की गम्भीर घाइते भएका थिए । उनलाई उपचारका लागि महाकाली प्रादेशिक अस्पताल महेन्द्रनगर लैजाने क्रममा बाटोमै मृत्यु भएको थियो ।

सार्कीले आफैले चलाएको मोटरसाइकल हुलाकी सडकमा खाल्डोमा परी अनियन्त्रित भई दुर्घटना भएको थियो । ठेकेदारले समयमै सडक निर्माण कार्य नगर्दा  दुर्घटना हुने गरेको स्थानीय युवा हिमाल ओखेडाले बताए ।

समयमै बाटो नबन्दा स्थानीयले ज्यान गुमाउनु परेको भन्दै अहिले युवाहरूले हुलाकी राजमार्गमा आन्दोलन गरिरहेका छन् ।