कोरोनालाई जितेर घर फकिएका कैलालीका युवकलाई मन्त्रीले फुल दिएर विदाई गरे 

धनगढी 
कैलालीका लम्कीचुहा नगरपालिका–९ प्रतापपुरका २१ वर्षीय कोरना संक्रमित युवक १६ दिन अस्पताल बसेपछि आज घर फर्किएका छन् । उनलाई आज सेती प्रादेशिक अस्पतालले डिस्चार्ज गरेको छ ।
उनलाई केही बेरअघि सामाजिक बिकासमन्त्री कृष्णराज सुबेदी र अस्पतालका डाक्टरहरुले फुल दिएर बिदा गरेका छन् । एम्बुलेन्स मा चढेर उनी अस्पतालबाट घर गएका छन् ।
भारतबाट आएका उनलाई चैत २२ गते कोरोना संक्रमणको पुष्टि भएको थियो। दोस्रो र तेस्रो रिपोर्ट नेगेटिभ आएपछि उनलाई आज डिस्चार्ज गरिएको अस्पतालका मेसु हेमराज पाण्डेले बताए ।
अब सेतीमा चार जना संक्रमितको उपचार भईरहेको छ। उनिहरुको अबस्था सामान्य रहेको छ ।