कञ्चनपुरमा लेखापालमाथी गरेको आरोप लागेका चार जना पक्राउ

महेन्द्रनगर ।  कञ्चनपुरमा लेखापालमाथी कुटपिट गरेको आरोप लागेका ४ जनालाई प्रहरीले पक्राउ गरेको छ । जिल्लाको भीमदत्त नगरपालिका–१० जिमुवास्थित शिद्धनाथ माध्यामिक विद्यालयमका लेखापाललाई कुटपिटको आरोप लागेका ४ जनालाई प्रहरीले पक्राउ गरेको हो ।

जिल्ला प्रहरी कार्यालय कञ्चनपुरका अनुसार किटानी परेका ८ जना मध्ये ४ जना पक्राउ परेका छन् । स्थानीय नन्दी नाथ, आशिष टमाटा, करन ओखेडा र दीर्घराज पाण्डेयलाई पक्राउ गरिएको र अन्य ४ जनाको खोजी कार्य भैरहेको जिल्ला प्रहरी कार्यालय कञ्चनपुरले जनाएको छ ।

पक्राउ परेका र फरार रहेकाहरुलाई ज्यान मार्ने उद्योगमा अनुसन्धान गरी मुद्दा चलाउने तयारी प्रहरीले गरिरहेको छ । गत आइतबार विद्यालयका लेखापाल विरेन्द्रप्रसाद जोशी माथी सोहि विद्यालयमा अध्यनरत छात्रामाथि यौन दुव्र्यवहार गरेको आरोप लागेपछि अभिभावक, स्थानीय र विद्यार्थी आन्दोलित भएका थिए ।

कुटपिटबाट लेखापाल जोशी घाइते भएका छन । उनको अहिले धनगढीस्थित निसर्ग अस्पतालको सघन उपचारकक्ष (आईसीयू) मा उपचार भइरहेको छ ।