पहिलो पटक डोटीमा पनि एक जनामा कोरोना पुष्टि 

धनगढी, जेठ १९ - डोटीमा पनि एक जनामा पहिलो पटक कोरोना पुष्टि भएको छ । सुदूरपश्चिममा थप १८ जना सङ्क्रमित थपिए सँगै डोटीमा पनि एक जनामा कोरोना पुष्टि भएको हो । 
सेती प्रादेशिक अस्पतालका सूचना अधिकारी दिलीप कुमार श्रेष्ठका अनुसार नयाँ सङ्क्रमित मध्ये कैलालीका १४ जना रहेका छन्। उनीहरू मध्ये ११ जना पुरुष र तीन जना महिला रहेका छन्।

त्यस्तै अछाम, बैतडी, डोटी र कञ्चनपुरका थप एक एक पुरुषमा कोरोना पुष्टि भएको छ ।

योसँगै प्रदेशभित्र सङ्क्रमितको सङ्ख्या  ४३ पुगेको छ। प्रदेश बाहिर थप दुई जनाको उपचार भइरहेको छ भने एक जना डिस्चार्ज भरसकेका छन्।