सेती नदिमा नुहाउने क्रममा  वगेर एकजना वेपत्ता 

डोटी, असार १६ - सेती नदिमा नुहाउने क्रममा सोमवार दिउँसो वगेर एकजना वेपक्ता भएका छन् । 
दीपायल सिलगढी नगरपालिका–७ कुण्जेडीगाउँ वस्ने  ४० बर्षीय चक्रबहादुर कुण्जेडा छिमेकिको मलामि आएका वेला दिउँसो साढे वाह्र वजे तिर सेति नदिमा नुहाउने क्रममा वगेर वेपक्ता भएको जिल्ला प्रहरी कार्यालय डोटीका प्रहरी नायव उपरीक्षक लालबहादुर धामीले जानकारी दिए । 
दीपायल सिलगढी नगरपालिका–५ सेती नदी पुल नजिकैबाट कुन्जेडा बगेर वेपक्ता भएको  जिल्ला प्रहरी कार्यालय डोटीका प्रहरी नायव उपरीक्षक तथा प्रहरी प्रवक्ता धामीले जानकारी दिए । 
जिल्ला प्रहरी कार्यालय डोटी, इलाका प्रहरी कार्यालय दिपायल, लडागडा प्रहरी चौकिको टोली र स्थानियहरुले उनको खोजीकार्य गरीरहेको प्रहरी नायव उपरिक्षक धामीले बताए । 
एक बर्षको अवधिमा सेती नदिमा ७ जनाको ज्यान गई सकेको छ भने दुइ जना अझै बेपत्ता रहेको जिल्ला प्रहरी कार्यालय डोटीले जनाएको छ ।