डोटीमा कर्मचारी र प्रहरीमा कोरोना देखियो

२०७७ भाद्र ४ गते बिहीवार
मोहन पनेरु
दिपायल स्थित राष्ट्रिय बाणिज्य बैंकमा कार्यरत १ कर्मचारी र जिल्ला प्रहरी कार्यालय डोटीमा कार्यरत ३ प्रहरीमा कोरोना संक्रमण देखिएको छ ।
बिहीबार जिल्ला अस्पताल डोटीको प्रयोगशालामा गरिएको परिक्षणमा राष्ट्रिय बाणिज्य बैंक दिपायल शाखामा कार्यरत एक महिला तथा जिल्ला जिल्ला प्रहरी कार्यालय डोटीमा कार्यरत एक महिला र २ पुरुष गरी ३ प्रहरीमा संक्रमण देखिएको स्वास्थ्य कार्यालय प्रमुख रमेश मलासीले जानकारी दिनुभयो ।
संक्रमण पुष्टि भएकी राष्ट्रिय बाणिज्य बैंकमा कार्यरत महिला कर्मचारी बिहीबार बिहानमात्रै धनगढी स्थित घरमा गएको स्रोतले जानकारी दिएको छ । भदौ ३ र ४ गते परिक्षण गरिएका नया“ एक सय ४७ नमुनाहरुमध्य १८ नमुनाको नतिजा सकरात्मक देखिएको हो । कर्मचारी र प्रहरीमा समेत संक्रमण देखिएपछि भने सदरमुकाम सिलगढी र ब्यापारिक केन्द्र दिपायलमा त्रास बढेको छ । यो संगै डोटीमा संक्रमीतको संख्या ८ सय १२ पुगेको छ ।
हरेक दिन संक्रमीतको संख्या बढ्दै गएपछि डोटीको शिखर नगरपालिकाले शुक्रबारबाट भदौ ११ गतेसम्मका लागि लकडाउन गर्ने निर्णय गरेको छ ।