डोटीमा आज ४१ जना कोरोना संक्रमित डिस्चार्ज,सक्रिय संक्रमितको संख्या ८५

२०७७ भदौ १८गते,बिहिबार
चक्र बलायर,डोटी

डोटीमा आज ४१ जना कोरोनाका संक्रमित डिस्चार्ज भएका छन । जिल्ला स्वास्थ्य कार्यालयका अनुसार आज जिल्लाका बिभिन्न स्थानिय तहबाट ४१ जना डिस्चार्ज भएका हुन । डिस्चार्ज हुनेमा शिखर नगरपालीकाका ३९ जना रहेका छन भने, दिपायल सिलगढी नगरपालीकाका २ जना रहेका छन । आज ४१ जना सहित डोटीमा कोरोना संक्रमण बाट निको हुनेको संख्या ८ सय ६७ पुगेको छ । अब जिल्लामा ८५ जना मात्र सक्रिय संक्रमित रहेको कोरोना फोकल पर्सन दिपेन्द्र मिश्रले बताए ।

यसैगरि डोटीमा आज ४ जनामा कोरोना संक्रमण पुष्टि भएको छ । डडेल्धुरा अस्पतालको कोरोना परीक्षण प्रयोगशालामा भएको परीक्षणमा डोटीका ४ जनामा संक्रमण पुष्टि भएको हो । संक्रमण पुष्टि हुने चारै जना जोरायल गाउपालीकाका रहेको जिल्ला स्वास्थ्य कार्यालय डोटीले जनाएको छ । स्वास्थ्य कार्यालय प्रमुख रमेस मलासिका अनुसार संक्रमण पुष्टि हुनेहरुमा गाउपालीकाको वडा नम्बर २ का २ बर्षिय बालक र २३ बर्षिय पुरुष रहेका छन । त्यसैगरी वडा नम्बर ४ का ५ बर्षिय बालक र २१ बर्षिय पुरुषमा पनि संक्रमण पुष्टि भएको उनले बताए ।संक्रमित चारै जना करीब एक हप्ता अघि भारतबाट आएको गाउपालीकाका स्वास्थ्य संयोजक गोबिन्द बिष्टले जानकारी दिए। उनिहरु सहित भारतबाट आएका २२ जनाको स्वाब संकलन गरी डडेल्धुरा अस्पतालको प्रयोगशालामा पठाइएकोमा १८ जनाको रीपोर्ट भने नेगेटिभ आएको स्वास्थ्य संयोजक बिष्टले बताउनुभयो । संक्रमण पुष्टि भएका २ र ५ बर्षिय बालक आफ्ना आमा बुवा सहित भारत बाट नेपाल आएका थिए । तर उनिहरुका आमा बुवामा भने संक्रमण नदेखिएको उनले बताए। संक्रमण पुष्टि भएका चारै जनाको अहिले स्वास्थ्य अबस्था सामान्य रहेको बताइएको छ । उनिहरु अहिले गाउपालीकाको आइसोलेसनमा रहेको स्वास्थ्य संयोजक बिष्टले बताए । आज जोरायलमा ४ जना थपिए संगै डोटीमा कोरोना संक्रमितको संख्या ९ सय ५२ पुगेको छ । जसमध्ये शिखर नगरपालीकामा २ सय ९५,आदर्श गाउपालीकामा १ सय ९७, पुर्बिचौकि गाउपालीकामा १ सय ५७ र दिपायल सिलगढी नगरपालीकामा १ सय २७ रहेका छन । त्यसैगरी सायल गाउपालीकामा ८३, बोगटान फुडसिल गाउपालीकामा २८, जोरायल गाउपालीकामा ३१, के आइसिंह गाउपालीकामा २१ र बडीकेदार गाउपालीकामा १३ जनालाई कोरोनाको संक्रमण पुष्टि भएको बताइएको छ।