जिप दुर्घटना हुँदा एक जनाको मृत्यु, एक घाईते

जेठ २८ डोटी 
डोटीमा जिप दुर्घटना हुदा एक जनाको मृत्यु भएको छ भने एक जना घाईते भएका छन् । धनगढीबाट कुखुराका चल्ला बोकेर बाजुरा जादै गरेको सु.प.प्र ०१०० च २६१५ नम्बरको जिप शुक्रबार बिहान ४ बजे दिपायल सिलगढी नगरपालिका–४ समुहगाडमा स्थित रेडियो नेपाल प्रादेशिक प्रशारण दिपायल नजिक दुर्घटनामा परेको जिल्ला प्रहरी कार्यालय डोटीले जानकारी दिएको छ ।
जिल्ला प्रहरी कार्यालय डोटीका सुचना अधिकारी प्रहरी नायव उपरिक्षक ईन्द्र मल्लका अनुसार जिप चालक कैलालीको धनगढी उपमहानगरपालिका वडा नम्बर ५ तारानगरका ५० वर्षीय हुकुम शाहको मृत्यु भएको छ भने जिपमा सवार देवि कुमारी शाह घाईते भएकी छिन् । चालकको उपचारका क्रममा शैलेश्वरी अस्पतालमा बिहान साढे ६ बजेतिर मृत्यु भएको हो ।
घाईतेको शैलेश्वरी अस्पताल दिपायलमा उपचार भैरहहेको छ । जिप सडकबाट करिब एक सय मिटर तल खसेको छ । दुर्घटनाको बारेमा थप अनुसन्धान भईरहेको प्रहरीले बताएको छ ।