डोटी क्याम्पसका उप–प्राध्यापक शाह

जेठ २९,डोटी– 
डोटी बहुमुखी क्याम्पसका उप–प्राध्यापक सुदर्शन शाहको निधन भएको छ । त्रिभुवन विश्व विद्यालय प्राध्यापक संघ डोटी क्याम्पसका सभापति समेत रहेका शाहको ४६ वर्षको मेरमा निधन भएको हो । उनि लामो समय देखि शिक्षण पेशामा आबद्ध थिए ।
मिर्गौला पीडित उनको शनिबार उपचारका क्रममा कोहोलपुर मेडिकल कलेजमा निधन भएको उनका भाई हरिश शाहले बताए । मृतक शाहको उपचारका लागि ९ गते देखि धनगढीका विभिन्न अस्पताल हुँदै कोहलपुर लगिएको थियो । दुबै मिर्गौलाले काम गर्न छोडेपछि डायालिसिस् बिधिबाट उपचार गरिदै थियो । उपचारका क्रममा उनमा कोरोना संक्रमण दखिए पनि शनिबार बिहानको रिपार्ट नेगेटिभ आएको थियो ।
दिपायल सिलगढी नगरपालिका–४ निवासी शाहका श्रीमती, दुई छोरी र एक छोरा छन् । मृतक शाहको शव डोटी ल्याइदै छ । उनको दाहसंस्कार आइतबार हिन्दुपरम्परा अनुसार गरिने आफन्तले जनाएका छन्   ।