कैलालीमा फेरी एक हप्ताको लागी लकडाउन थप्ने तयारी

मोहन पनेरु
धनगढी,असार ७– जिल्ला कोभिड संकट व्यवस्थापन केन्द्रको आज दिउँस २ बजे बैठक बस्ने तयारी भएको जिल्ला कोभिड संकट व्यवस्थापन केन्द्रका संयोजक खगेन्द्र रीजालले खप्तड आनलाईनलाई जानकारी दिएका छन । 
उहाँले भने  जिल्लामा जारी निषेधाज्ञा पुनः १ हप्ताका लागि थपिने तयारी गरिएको छ । जिल्ला कोभिड संकट व्यवस्थापन केन्द्र संयोजक रिजालले अझै पनि कोरोना महामारीको संक्रमण कायमै रहेको भन्दै निषेधाज्ञा पुनः थप गर्ने तयारीमा रहेको बताए । तर सरकारी कार्यालयहरु सुरक्षाका मापदपण्ड अपनाएर सञ्चालन गर्ने तयारी भइरहेको बताइएको छ । 
सभा सम्मेलन, यातायात, होटल, सामूहिकमा गरिने कार्यलाई भने अझै सञ्चालनमा रोक लगाइने रिजालले जानकारी दिनुभयो । जिल्ला कोभिड संकट व्यवस्थापन केन्द्रले भने निर्णय गर्न बाँकी रहेको र आदेश पनि जारी गर्न बाँकी रहेको रिजालले जनाए।