ब्यवसायिक योजना निर्माण तालिम बडिकेदारमा सुरु

डोटी,असार ०७ 
डोटीको बडिकेदार गाउँपालिकामा सहकारीको लागि बजार ब्यवस्थापन तथा ब्यवसायिक योजना निर्माण सम्बन्धि तीन दिने तालिम सुरु भएको छ । बडिकेदार गाउँपालिका ग्रामीण जलस्रोत ब्यवस्थापन परियोजना खड्यौली डोटी आर्थिक सहयोग र संगालो कृषि सहकारी सस्था लिमिटेडको आयोजनामा सुरु गरिएको हो ।
सहकारीहरुले बजार ब्यवस्थापन कसरी गर्ने तथा योजना निर्माण कसरी गर्ने भनेर गाउँपालिका भित्रका ५ वटै वडामा रहेका सहकारीहरुलाइ तालिम दिइन लागेको हो ।तालिममा प्रमुख अथितिको आसन बाट बोल्दै बडिकेदार गाउँपालिका वडा न एकका वडा अध्यक्ष डबल बहादुर बोहराले सहकारी बजार ब्यवस्थापन पन गरि उत्पादित बस्तुहरु बजार सम्म लैजाउन महत्त्वपूर्ण भुमिका खेल्नु पर्ने बताउनु भएको थियो । साथै मूल्य शृंखला सम्बन्धि प्रशिक्षण जनक सुबर्णकारले दिनुभएको थियोे भने सहकारी बजार ब्यवस्थापन सम्बन्धि तालिम जयराम सोनि र आर भि वब्लु आर एम पि का बडिकेदार गाउपालिकाका संयोजक तिलक बहादुर मल्लले दिनु भएको थियो ।