Aagan-cakes-web-banner-2

साँफेबगर बाट जहाजको टिकट पाउनै मुस्किल

news
November 19, 5:56

अछाम — बुहारी सिकिस्त बिरामी भएपछि जिल्ला अस्पताल पुगेका अछामको मंगलसेन नगरपालिका—७ का कान्तप्रसाद जैसीले गत साता उपचारका लागि धनगढी लैजान दुई दिनसम्म जहाजको टिकटका लागि हार गुहार गरे । धनगढीसम्म बाह्र घण्टा गाडीमा लैजान गाह्रो भएकाले उनी जहाजको खोजीमा थिए ।

टिकट लिने ठाउँ र व्यक्तिका बारेमा उनलाई जानकारी थिएन । सोधीखोजी गर्दै जाँदा उनले टिकट दिने व्यक्तिको सम्पर्क नम्बर पाए । ‘जसरी पनि एउटा टिकट मिलाई दिन आग्रह गरे र तर पाँच दिनसम्मका लागि टिकट बुक भइसकेको छ भन्ने जानकारी पाएँ’ उनले भने, ‘पाँच दिन अगाडि नै बिरामी भइन्छ भन्ने थाहा हुने कुरा पनि भएन । त्यै पनि दुई दिन अगाडि त मैले खोजी गरेको हो । टिकट पाउनका लागि पनि पहुँच नै चाहिने रहेछ भन्ने महसुस भयो ।’

कमलबजार नगरपालिका —१ का धनबहादुर विष्टले पनि छोरीलाई धनगढीसम्म उपचारका लागि हवाईजहाजबाट लैजानका लागि धेरै पहल गरे । जिल्ला अस्पताल मंगलसेनमा उपचाररत छोरीलाई थप उपचारका लागि धनगढी लैजान उनलाई जहाजको टिकट आवश्यक परेको हो । साँफेबगरबाट धनगढीसम्म जहाज चल्छ भन्ने सामान्य जानकारी पाएका धनबहादुरले टिकटका लागि आफूले चिनेजानेका सबैलाई गुहारे । तर टिकट पाएनन् ।

‘साँफेबगरबाट प्लेन चल्यो भनेर हामी सर्वसाधारणलाई कुनै हर्ष छैन । त्यो प्लेन त पहुँच भएका, ठूला नेता, उनीहरूका कार्यकर्ता र पहुँच भएका कर्मचारीका लागि मात्रै चलेको हो भन्ने लाग्छ’ उनले भने ,‘मजस्ता सर्वसाधारण मान्छेले सधैं जहाज चढ्नलाई आर्थिक अवस्थाले भ्याउदैन । अप्ठेरो परेको बेला त हो हामीलाई आवश्यक पर्ने । त्यो पनि पाइँदैन भने प्लेन चलेकोमा हामी जस्ता सर्वसाधारणले खुसी हुनुपर्ने कारण के छ र ।’

०५८ फागुन ४ मा तत्कालीन माओवादीले सदरमुकामसँगै साँफेबगरमा आक्रमण गरेपछि विमानस्थलको टावर ध्वस्त हुँदा विमानस्थल बन्द थियो । लामो समयको प्रयासपछि साँफेबगरमा रहेको विमानस्थल सञ्चालनमा आयो । विमानस्थल सञ्चालनमा आएपछि कम्तीमा बाह्र घण्टा लगाएर धनगढी र नेपालगन्जका अस्पतालमा पुर्‍याउनुपर्ने बिरामीलाई आपत्कालीन अवस्थामा १७ मिनेटमा धनगढी पुग्ने आशा पलाएको थियो । तर नियमित रूपमा हवाईजहाज सञ्चालनमा आएको दुई वर्ष हुन लाग्दा पनि अछामका सर्वसाधारणले जहाजको टिकट पाउन सकेका छैन ।

सम्बन्धित वर्गका समाचारहरू

बिदेशमा रहेका मल्लद्धारा क्यान्सर पिडित भट्टलाई आर्थिक सहयोग…
डडेल्धुरा, मसिँर २२ । हाल बिदेशमा रहेका समाजसेबि बिनय प्रकाश मल्लले क्यान्सर पिडित रमा भट्टलाई… विस्तृतमा
देशको शिर निहुरिने काम गर्दिनँ र गर्न दिन्नँ : मन्त्री आले
काठमाण्डौ – संस्कृति, पर्यटन तथा नागरिक उड्डयनमन्त्री प्रेमबहादुर आलेले देशको शिर निहुरिने खालका… विस्तृतमा
सुदूरपश्चिमका २० स्थानीय तह सङ्कटग्रस्त क्षेत्र
बैतडी,२२ मंसिर । बैतडीसहित सुदूरपश्चिम प्रदेशका २० पालिकालाई सङ्कटग्रस्त क्षेत्र घोषणा गरिएको छ ।… विस्तृतमा
अछामको गैटाँडमा १ जना मृत अवस्थामा फेला
अछाम/अछामको गैटाँडमा मोटरसाइकल सहित १ जना मृत अवस्थामा भेटिएका छन् । जिल्लाको मध्यपहाडि लोक मार्ग… विस्तृतमा