डोटीको जनज्योेती विद्यालयमा तोडफोड 

डोटी,२३ भदौ। डोटीको एक बिद्यालयमा तोडफोड भएको छ । जिल्लाको सायल गाउँपालिका वडा नम्बर २ ग्वानीमा रहेको जनज्योेती आधारभूत विद्यालयमा तोडफोड भएको हो । 

विद्यालयका केही कागजात सडकामा फालेको अवस्थामा भेटिएको विद्यालय व्यवस्थापन समितीका अध्यक्ष धन बहादुर सिंहले बताएका छन । विद्यालयमा कसले र किन तोडफोड ग¥यो भन्ने खुल्न नसकेको उनले बताए ।

घटनाको अनुसन्धान भइरहेको जिल्ला प्रहरी कार्यालय डोटीका प्रहरी निरीक्षक राजेन्द्र चन्दले बताएका छन । गत असारमा यो विद्यालय भवानी माद्यामिक विद्यालयसँग मर्ज भएको थियो ।