कैलालीमा एकजना माथि खुकुरी प्रहार 

कैलाली। कैलालीमा लेनदेनको विषयमा विवाद हुँदा एकजना माथि खुकुरी प्रहार भएको छ। कैलालीको बर्दगोरिया गाउँपालिका(२ का ४७ वर्षीय रुपबहादुर सुनारमाथि खुकुरी प्रहार हुँदा उनी घाइते भएको प्रहरीले जनाएको छ।

लेनदेनबारे विवाद हुँदा आज बुधवार बिहान वडा नम्बर ५ बस्ने ३२ वर्षीय बसन्त साउदले उनीमाथि खुकुरी प्रहार गरेको इलाका प्रहरी कार्यालय सुख्खडले जनाएको छ। साउदले सुनारको घरमै गएर झगडा गरेको प्रहरीले बताएको छ। आरोपित साउदलाई प्रहरीले नियन्त्रणमा लिएर अनुसन्धान गरिरहेको छ। घाइते सुनारलाई उपचारका लागि नेपालगंज लगिएको प्रहरीले बताएको छ।