बझाङमा आमासहित दुई छोरामाथि चक्कु प्रहार

बझाङ –बझाङको एक परिवारका सदस्यमाथि मध्यराति अज्ञात व्यक्तिद्वारा चक्कु प्रहार गरिएको छ ।

बझाङको सुर्मा गाउँपालिका–३ घर भई चैनपुरस्थित सुर्मा टोलमा बस्ने कलक विककी श्रीमती र दुई छोराहरुमाथि सुतिरहेको बेला अज्ञात व्यक्तिले चक्कु प्रहार गरेका हुन् । 

चक्कु प्रहारबाट २७ वर्षीया सुनिता विक र उनका दुई छोरा ७ वर्षीय आदित्य र ४ वर्षीय आबेल घाइते भएका छन् । चक्कु प्रहार गर्ने व्यक्तिले सुनिताको साथमा रहेको मोबाइल समेत लुटेर लगेका छन् । सुनिताका श्रीमान कलक भने काठमाण्डौंमा रहेका छन् । 

घाइते भएका तिनै जनाकोे जिल्ला अस्पतालमा उपचार भइरहेको छ । घटनाका बिषयमा अनुसन्धान भइरहेको जिल्ला प्रहरी कार्यालय बझाङले जनाएको छ ।