सेती अस्पताल प्रयोगशाला परीक्षणमा २० जनामा कोरोना पुष्टि

धनगढी,१० असार – सेती प्रादेशिक अस्पतालको प्रयोगशालामा गरिएको परीक्षणमा बिहिबार थप २० जनामा कोरोना संक्रमण पुष्टि भएको छ । पछिल्लो २४ घण्टामा सेती प्रादेशिक अस्पतालको प्रयोगशालामा २२३ नमूना परीक्षण गर्दा २० जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए ।
उनका अनुसार धनगढीका १ जना र कैलाली १९ जनामा संक्रमण पुष्टि भएको हो । हाल अस्पतालमा १३ जना कोरोना संक्रमितको उपचार भइरहेको सूचना अधिकारी श्रेष्ठले बताए ।
जसमध्ये १ जना भेन्टिलेटर ४ जना आइसियूमा, ७ जना अक्सिजन सपोर्टमा उपचाररत छन् भने २ जनाको अवस्था सामान्य रहेको जनाएको छ । पछिल्लो २४ घण्टामा सेती अस्पतालबाट ८ जना कोरोना जितेर घर फर्किएका छन भने ३ जना अस्पताल भर्ना भएका छन् । पछिल्लो २४ घण्टामा अस्पतामा कसैको पनि मृत्यु नभएको अस्पतालले जनाएको छ  ।